Алғашқы нәрестеге қандай киім-кешектерді сатып алу қажет, жайлы және қауіпсіз ұйықтайтын орнын дайындау бойынша ғылыми деректер мен жеке тәжірибе нұсқаулары.
Алғашқы нәрестені үйге қарсы алуға дайындықты болжалды босану мерзімінен 4 апта бұрын бастаған жөн.
Себебі босану мерзімінен бұрын басталуы мүмкін. Кейде медициналық себептерге байланысты да болады. Ал басталса, дайындалатын уақыт та болмайды.
1. Жаңа туған нәрестеге қандай киім керек
Алғашқы күндерінде жаңа туған нәрестеге жылы әрі таза орта қажет. Осыған қажетті заттарды алдын ала дайындаған жөн. Міндетті түрде сатып алынатын нәрселер:
- Слип-комбинезон – 2 дана
- Шұлық (носки) – 2
- Распашонка, ползунки (шалбар) – 2
- Жеңіл бас киім – 1
- Жеңіл пеленка – 2
- Муслин немесе жылы пеленка – 2
- Орамал (капюшонмен) – 2
Киім саны нәрестенің былғанған киімдерін күніне бір рет кір жуғыш машинаға салып, кептіруге жаясыз деген болжаммен есептелген. Егер кір жуу жиілігі одан сирек болса, сәйкесінше киім санын көбейтіңіз.
Нәресте салқын климатта қыс мезгілінде туылатын болса, мынадай қосымша жылы киім алу қажет:
- Конверт немесе пуховик-комбинезон
- Конверт асты флис комбинезон
- Жылы бас киім
- Жылы қолғап
Қажет емес заттар:
Царапка-қолғап
Төменде әрқайсысына жеке түсініктеме берілген.
Слип-комбинезон (2 дана)
Слип — бұл жаңа туған нәрестелердің ұйықтауын барынша ыңғайлы ету үшін жасалған арнайы комбинезон.
Нәрестені қолдан аяққа дейін жабатды. Жылдам киіндіру үшін ең ыңғайлы киім болып табылады.
Нәрестеге слип таңдағанда мыналарды ескеру қажет:
- Заклепкамен немесе молниямен болғаны дұрыс. Бас арқылы киілетін немесе түймелі үлгілер ыңғайсыз, әсіресе түнде ауыстырғанда.
- Қол бөлігінде сызаттан қорғайтын арнайы қапшық (царапка) болуы керек.
- Іші жұмсақ, тігістері сыртқа қарай тігілген болуы қажет.
Шұлық / носки (4 дана)
Жаңа туған нәрестеге шұлықтардың үлкенірек өлшемін алыңыз. Шұлықтың жартысы жылы, ал қалған жартысы жеңіл болсын, өйткені үйдің ішіндегі температура әртүрлі болуы мүмкін. Сондай-ақ, жеңіл шұлықтарды сызаттан қорғау үшін (царапка ретінде) қолдануға болады.
Царапка қолғаптары – баланың өзін тырнап алмауы үшін жасалған. Бірақ іс жүзінде аса қажет емес, өйткені олар қолдан түсіп қала береді. Оның орнына қолға шұлық кигізу ыңғайлырақ болады.
Нәрестені киіндіру бойынша ДДҰ ұсыныстары
Дүниежүзілік денсаулық сақтау ұйымы нәрестені ересектерге қарағанда бір-екі қабат артық киіндіріп, басын бас киіммен жабуды ұсынады (ДДҰ веб-сайтынан).
Распашонка мен ползунки (шалбар) – 2 дана
Распашонка мен ползунки үйдің іші ыстық болғанда ыңғайлы, себебі олар жақсы желдетіледі. Әсіресе қыс мезгілінде, үй температурасы жиі өзгерген кезде, бейімделу үшін қажет. Жаңа туған нәресте тез тоңып қана қоймай, сондай-ақ жылдам қызып кетуі мүмкін, өйткені 2 айға дейін оның терморегуляция механизмдері толық қалыптаспаған.
Нәрестеге распашонка таңдағанда мыналарды ескеру қажет:
- Заклепкамен болғаны дұрыс. Бас арқылы киілетін немесе түймелі үлгілер ыңғайсыз, әсіресе жылаған кезде немесе түнде ауыстырғанда.
- Қол бөлігінде сызаттан қорғайтын арнайы қапшық (царапка) болуы керек.
- Іші жұмсақ, тігістері сыртқа қарай тігілген болуы қажет.
Жеңіл бас киім (1 дана)
Жеңіл бас киім шомылғаннан кейін, суық бөлмеде және серуенге шыққанда қажет.
Жеңіл жаялық / пеленка (2 дана)
Жеңіл жаялық нәрестені жалпы және ұйықтаған кезде орау үшін қажет. Сондай-ақ, емізу кезінде орауға да ыңғайлы.
Муслин немесе жылы жаялық (2 дана)
Жылы жаялық көбінесе түнде ұйықтау үшін қажет. Сонымен қатар, ішек коликасы болған жағдайда нәрестенің қарнын орауға ыңғайлы.
Нәрестеге арналған орамал (2 дана)
Муслин жаялықпен ауыстыруға болады. Шомылғаннан кейін нәрестені кептіру үшін қажет. Орамалдың бір бұрышы капюшон тәріздес болуы тиіс, бұл нәрестенің басын судан шыққан бойда жабуға өте ыңғайлы.
Бала киімін жуу – арнайы балаларға арналған кір жуғыш машинаға арналған ұнтақ немесе гель қолдануға болады (Yokosun, Meine Liebe, Lovular, Ушастый нянь).